Main Sukha Hua Gulaab

'MAIN SUKHA HUA GULAAB'♥♥❤

Main saahil sa shaant

Tum lehron si ithlaati

Main dhalte suraj sa maand

Tum ujali kiran si damakti

Tum aasman ka chaand

Mai dharti par pasri raat

Main sukha hua gulaab

Aur tum koi band kitaab

Mujhe chhupa lo kahin panno ke beech

Tumhe Mehka dun har panne ko bheech.. 

Tum barkha sawan ki raat

Mai usme bhiga sa paat 

Tum kitne hi dilon ki saanjh

Main ek ki chahat se bhi banjh

Tum hawaon si behti azaad

Mujhe mazboor karte halaat

 Meri khawahishen apaar

Tum sachetan si naar

Meri chahaton ki samajhkar peer 

Mujhe banalo apne hatho ki laqeer...