Chhod aaya hun...

           " Chhod aaya hun..."

Ek shehar tha jo andar basa wo piche chhod aaya hun...
Kuch purane shikwon ko bhoola maaf kar aaya hun...
Seene se lipti thi saanse jo tees bankar,
Wo nishani kisi ki wahi chhod aaya hun.

Bahut wakt se bhabhak raha tha kuch andar shayad,
Dard ki nadi bahakar use raakh kar aaya hun..
Dhadkane badha raha tha kabse koi ek gunj bankar,
Wo shor kisi ki jubani ka wahi chhod aaya hun.

Kahani jo na pahuch saki uske anjaam tak,
Us kahani ko naya mod de aaya hun..
Jis raaste par chalta raha mai uska Rahi bankar,
Mai us raaste ko manjil tak chhod aaya hun.

Dard purane ho to nasoor ban jaya karte hain,
Mai us dard ko bakasoor kar aaya hun..
Aur jo bhi bacha tha andar toota foota sa,
Mai aaj use dafna kar khaak kar aaya hun.